قصة الفيلم:
يعود دومينيك تريتو مجددًا رفقة فريقه، خلال مواجهة أخيرة في الفصل الختامي من القصة.
ﺇﺧﺮاﺝ: لويس لوترييه (مخرج)
ﺗﺄﻟﻴﻒ: جاستين لين (مؤلف) دان مازياو (مؤلف)
طاقم العمل: فين ديزل, تشارليز ثيرون, جايسون موموا, ميشيل رودريجيز, ريتا مورينو , بري لارسون
ملخص فيلم Fast X 2023
فيلم "Fast X" هو الجزء العاشر من سلسلة افلام "Fast & Furious" واحداثة بتدور دوم وعائلتة اللى ليهم ماضي مع شرير الفيلم دانتي من أيام أحداث الجزء الخامس وبنشوف اية اللى هيحصل؟
- طبعا مش محتاج اتكلم عن نوعية الفيلم دة وانه اية القواعد اللى محتاج تفقدها من منطقيتك وعقليتك عشان تنبسط وتسمتمع بأجواء الاكشن والعربيات وأعتقد السلسلة كانت ناجحة فى دة لحد الجزء الثامن، ولكن الجزء التاسع وهو اقل افلام السلسلة احنا ابتدينا نفقد الأمل مع كمان كلام واخبار عن خلافات بين الممثلين وانحساب المخرجين حماسنا قل وهما نفسهم بقوا فى كسل مستمر
- لكن الجزء دة اقدر اقول انه بيرجع شوية امل فى السلسلة تاني واكتر واحد برجع له الفضل فى دة هو جاسون موموا لانه اقدر اوصفة بأنه الشرير الافضل والأعظم بعد تشاليز ثيرون ، وشرير صعب عنده جنان ومكأد وخطط عشان يحقق اهدافة ضد دوم فعلا مقنعة وان كانت الشخصية مش مكتوبة حلو اصلا ، بس ظهور وأداء جاسون كان رائع وانه كمان قدر يفكرنا شوية بشخصية الجوكر ونوصفة بالوصف دة فى فيلم زي دة ، ف ديه حاجة كبيرة اوي وهو العنصر الأكثر انعاشا فى الفيلم
- عندنا شوية أفكار قليلة فيه شوية تجديد فى الاكشن والانفجارات مش وحشين ومتصمين كويس جدا ومتأثرة جدا من الجزء السادس وهتحسوا ان مفيش جديد اصلا يتقدم بس الصراحة بسبب شرير الفيلم قدر يرجعني لعنصر الترقب والقلق على الشخصيات وبالتحديد اخر نص ساعة اللى هي يعتبر الافضل فى الفيلم
- شخصيات الفيلم كانت كتيرة اوي وللأسف ظلمت كتير من الممثلين او انهم يظهروا من ضمنهم جاسون ستاثام اللى خفت فى ظهور عن الجزء السابع والثامن كمان وكثير من أعضاء الفريق ولكن دة مخالوش مشكلة كبيرة ، لأن المشكلة الأكبر كانت فى رجوع شخصيات ماتت تقريبا قبل كدة خلاني ان كمشاهد متخبط من الجزء التاسع والمفروض ان فيه شخصيات بنضحي بيها فى الجزء دة ومخليني مش قادر اصدق الفيلم هي الشخصيات ديه ماتت بجد؟ ولا هيرجعوا عادي؟ واللى مخليني استمر فى التخبط دة هو آخر مشهد فى الفيلم واللى هيشوفوه هيفهموا كلامي
- ولكن البوست كريديت سين كان مفاجأة وعظيم جدا ومش متوقع ولكنه منطقي جدا ودة بيخليني حاسس بتخبط او تناقض لكل حاجة فى الفيلم عاوز يعملها بس فى نفس الوقت انا مبسوط انهم عايزين يقفلوا الفيلم لكل شخصيات الفيلم بس برضه لازم يبقى فيه شوية احترام للمنطقية وتبرير معقول يدخل العقل ولحظات ملحمية لشخصياتنا
- بس فى النهاية انا خرجت مبسوط ودة يمكن عشان بوست كريديت سين وجاسون موموا وكمان مرة جاسون موموا ودة يخليني ارشحة أنه يتشاف سينما ومخليني اشوف النهاية هتنتج عنها اية
التقييم النهائي: (6/10)
شاهد الفيلم
تحميل الفيلم