- فيلم "نبيل الجميل اخصائي التجميل" هو أحدث افلام النجم محمد هنيدي بعد فيلم "الانس والنمس" اللى كان فى رأيي العودة الجيدة له والفيلم بيحكي عن دكتور نبيل اللى بيفتح عيادة تجميل بعد مشكلة معينة بتحصل له وبنخش فى العديد من المواقف الكوميديا
- زي ما هو واضح ان الفيلم عبارة عن اسكتشات ومالوش قصة او حبكة يعنى الفيلم هدفة الاول والاخير هو الضحك فقط ودي عادة افلام هنيدي واحنا بنخش افلامة عشان كدة ، بس للأسف الفيلم دة هو اسوء فيلم لهنيدي على الإطلاق
- للأسف لانه بعيد عن انه فيلم مفكك ومالوش قصة ودة مش مطلوب اوي من فيلم هدفة الضحك بس ، بس حتى الكوميديا نفسها مفيش ، اكنك بتتفرج على سكتشات كل سكتش لوحده ايقاعة طويل لدرجة توصل ل ١٠ دقايق او ريع ساعة ودة كتير اوي على مشهد واحد او اسكتش واحد لدرجة ان الواحد حس بملل وزهق لدرجة اني فقدت متابعة الفيلم
- بالإضافة كمان الافيهات المكتوبة مش حلوة ومش بتضحك ولولا انه فريق العمل من محمد هنيدي ومحمد سلام ورحمة احمد اللى هو يعتبروا أفضل ما فى الفيلم لما بيتجمعوا مع بعض ومكانش برضه دة أفضل حاجة تطلع منهم لأنها من رغم انه افضل حاجة فى الفيلم بس برضه مش دي درجة الضحك المنتظرة لما نعرف ان ثلاثي زي دول بيتجمعوا مع بعض بس حتى المواقف الكوميديا مش مكتوبة حلوة ومفيش اي عنصر ساعدها على أنها تبقى فعالة ودة فيه شوية ابتسامات بس للأسف قليلة جدا
- حقيقي مكنتش مصدق ان اقول على فيلم لهنيدي كدة بس الفيلم فعلا هو هدفة تجاري بحت ، بس الصراحة ان مش فاقد الأمل زي ممثلين تانيين انه يرجع يعمل فيلم حلو ، بس الفيلم دة ينضم مع عنتر ابن ابن ابن شداد و يوم مالوش لازمة فى اقل افلام هنيدي وأعتقد لولا فيلم الانس والنمس اللى عملوا كتت فقدت فى هنيدي الأمل
- وأعتقد فيلم الجواهرجي هيبقى عودة جيدة له وهيصلحنا بيه ، بس للأسف فيلم نبيل الجميل اخصائي التجميل للأسف معجبنيش خالص ودة مكانش متوقع من فريق العمل دة وخصوصا ان معاهم المخرج خالد مرعي اللى حسيت انه بيعمل جريمة شبه جريمة فيلم "خيال مأتة"، بس فى النهاية الفيلم هيجيب رقم حلو لأنه يكفي اسم محمد هنيدي
التقييم النهائي: (3/10)